Рамзан Кадыров Сталинны «хыянәтче» дип атады
Чечня башлыгы Рамзан Кадыров СССР җитәкчесе Иосиф Сталинны «хыянәтче» дип атады. Ул чечен халкының Грозныйның 205 еллыгы белән котлаганда шул хакта әйткән. Кадыровның чыгышын «Вайнах» дәүләт телерадиокомпаниясе телеграм каналында урнаштырды. «Бүген беркем дә чеченнар хыянәтче булган дип әйтми. Чеченнарны гына түгел, башка халыкларны да сөргән Иосиф Сталин хыянәтче булган. Ул вакытта үз халкы һәм республикасы өчен җаваплылыкны алырлык җитәкче булмаган», – диде Кадыров.
Ул Чечняның хәзер үз командасы булуын әйтте.
«Бер генә кеше хәл итми, без бөтенебез бергәләп, килешеп хәл итәбез һәм иң җаваплы карарларны кабул итәбез», – диде Чечня башлыгы.
Чечня башлыгы моңа кадәр дә Сталинны тәнкыйтьли иде. 2017 елда ул «Сталин безнең җирне һәм безнең халык турындагы хәтерне Җир йөзеннән себереп түгәргә теләгән иде», дип белдергән иде.